www.arab.mountada.net
أهلاً ومرحباًبكم معنا فى منتدى العلم والمعرفة وتبادل الآراء عزيزى الزائر يرجى التسجيل حتى يمكنك وضع مواضيع بالمنتدى وكذلك تحميل البرامج المحاسبية التى تحتاجها فى الوحدة الحسابية ونشكركم على التواصل معنا مع تحيات مدير عام المنتدى
محاسب / عبدالرءوف نصار ..... المديرية المالية بالشرقية

www.arab.mountada.net

منتدى ممثلى وزارة المالية بجمهورية مصر العربية .................... حماة المال العام
 
الرئيسيةالبوابةس .و .جبحـثالتسجيلدخول
  أهلاً ومرحباً بكم على صفحات منتدى مندوبى وزارة المالية  بمصر الحبيبة .. آراء .. تواصل .. يرجى التسجيل لإمكانية المساهمة وتنزيل الملفات .. بيان الوظيفة وجهة العمل حتى يمكن التواصل الجاد .....
  مجموعة من البرامج المحاسبية التى تسهل العمل بالوحدات الحسابية .. دقة .. سرعة ..
  قسم للحوار لطرح جميع المشاكل التى تواجه مندوب وزارة المالية والعمل على حلها ..
  منشورات .. كتب دورية .. فتاوى قانونية .. أحدث تعليمات وزارة المالية ..
   مقتطفات إسلامية متميزة ..
   منتدى الشعر .. خواطر مندوب مالية .. 
  لوائح وقوانين تهم مندوب وزارة المالية ..
  منوعات مالية .. قيود محاسبية .. قسم الكمبيوتر .. قسم الفيجوال بيسك ..
  يرجى من كافة الأخوة الأعضاء المساهمة بكافة الموضوعات لتكون الفائدة  للجميع مع تحياتى مدير عام المنتدى ............

شاطر | 
 

 تابع حال مندوبى وزارة المالية ... الحلقة الثانية

اذهب الى الأسفل 
كاتب الموضوعرسالة
عبدالرءوف نصار
Admin
avatar

عدد المساهمات : 217
تاريخ التسجيل : 17/05/2011
العمر : 59
الموقع : www.arab.mountada.net

مُساهمةموضوع: تابع حال مندوبى وزارة المالية ... الحلقة الثانية   الجمعة يونيو 17, 2011 9:11 am

الوقفة الإحتجاجية التانية
--------------------
م2: يارب الناس المرة دى تتحرك بقة دول لسة قابضين الزيادة المفروض يكونوا معانا بقة .
م1: بص والله لو عملت أيه ما فى حد منهم هيعبرك حتى بكلمة حلوة دا طبع يا أستاذ وخلاص مفيش فايدة .
م2: طب يا حضرات كل واحد يدفع عشرة جنيه علشان الزملاء اللى رايحين الوزارة يبقوا مستريحين فى السفر مش لازم تروحوا انتم .
ع2: إن شاء الله لما تيجى الزيادة هنبقى ندفع لكم العشرة جنيه هههههه......!!!!
ع1: أنا عن نفسى هدفع العشرة جنيه وهروح معاكم بعد بكرة ان شاء الله .
م2 يالهوى واحد بس هيحضر من المديرية دى كلها معانا على العموم ربنا يبارك فيك .
ع1: طب ما إنت عارف الباقى والله الواحد زهق من المديرية دى الكل نايم . وبس تيجى الزيادة بيكونوا أول ناس بتروح للصراف . مش عايزين نشغل بالنا بيهم لحسن هيجيبوا لينا إحباط سيبك بقة منهم خالص .
م1: على رأيك إحنا هنتعب نفسنا ليه مع ناس زى دى .
وبعد التوجه للوزارة لمقابلة السيد الوزير وتأكيد موظف الأمن إن السيد الوزير مش موجود النهاردة .
م1: للزملاء الحاضرين . طب أيه العمل يا حضرات هنروح ولا أيه من غير نتيجة مادام السيد الوزير مش موجود ويطلع المشوار على فشوش .
م2: لأ طبعا لازم نعمل أى حاجة أنا طالع لرئيس قطاع الموازنة يمكن يكون عنده أى معلومة عن ال 50% لزيادة الدفعة .
م1: ماشى ربنا يوفقك .وإحنا هننتظر هنا عشان العدد كتير بس ومنعملش زحمة عنده .
م2: بصفة حضرتك رئيس قطاع الموازنة أيه اللى تم فى موضوع زيادة ال 50% من الدفعة اللى قال عليها السيد الوزير الإجتماع اللى فات .
رئيس الموازنة : زيادة أيه ؟ إنت عارف الزيادة دى هتكلف الموازنة كام .
م2: كام يعنى . هوا كل حاجة نطلبها نلاقى الموازنة ما تسمحش إشمعنى طلبنا تقيل على الموازنة
والطلبات التانية بتكون سهلة قوى على الموازنة . عشان يعنى مفيش حد بيدافع عننا ..
رئيس الموازنة : يا أستاذ الزيادة دى بتكلف الموازنة 200 مليون جنيه فى السنة إنت فاكرها لعبة ولا أيه . أحسبها لك عشان تعرف ؟
م2: من غير ما تحسبها . بس لو تسمح حضرتك فيه ناس كتير تحت ومش راضيين يدخلوهم القاعة وعاوزين يعرفوا اللى تم . لو سمحت تنزل لهم وتهديهم ما دام السيد الوزير مش هنا ولا أيه رأى حضرتك ؟
رئيس الموازنة : حاضر يا سيدى هنزل معاك بس مش عايز حد يزعق زى يوم إجتماع السيد الوزير ماشى .
م2: ماشى يا ريس يلا بينا .
ونزلنا سوا للزملاء
م1: بالذمة دى طريقة كويسة الأمن مش راضى يدخلنا القاعة هوا إحنا مش تبع الوزارة ولا ايه ..
رئيس الموازنة : بس تعالوا هنا نتكلم فى الوسع هنا جنب الأسانسير .
م1: يا ريس لو سمحت الوقفة دى مش كويسة نروح القاعة أحسن الناس كتير مش معقول نفضل واقفين كدة الناس تقول علينا ايه .
رئيس الموازنة : ماشى يلا نروح القاعة .
م2: لو سمحت تعرفنا ايه موقف ال 50% لزيادة الدفعة اللى أوصى بيها السيد الوزير فى الإجتماع اللى فات .
رئيس الموازنة : بصراحة يا حضرات السيد الوزير مقلش ليا حاجة فى الموضوع ده .
م1: يا ريس مش قال لك إدرس الموضوع فى الإجتماع اللى فات قدامنا هنغير الكلام ليه .
رئيس الموازنة : يا حضرات والله السيد الوزير لم يفتح معايا الموضوع ده بعد الإجتماع هوا اللى بيقرر الحاجة دى أنا مقدرش أعمل حاجة لوحدى من غير ما يقولى .
م2: يا ريس الإجتماع مسجل صوت وصورة إحنا هنكدب عليك .
رئيس الموازنة : لأ مش قصدى . أصل السيد الوزير ما جبش سيرة الموضوع ده تانى بعد الإجتماع .
م1: يا حضرات بصراحة إحنا مش هنتكلم مع أى حد غير السيد الوزير عشان هوا اللى فى إيده القرار .
رئيس الموازنة : عنك حق خلاص يا حضرات أستأذن بقة ..
م2: لازم يا حضرات نصمم نقابل السيد الوزير باى طريقة هنرتب اليوم ونتفق وكلنا يحضر بقة عشان نكون مؤثرين .
م1: مش هينفع غير كدة هما هيحدفونا لبعض ولا أيه لازم نقابل السيد الوزير شخصيا .
وبعد رجوع الزملاء الكل داخل على الصفحات عملتم أيه وسويتم أيه حتى ساعة متاخرة ويمكن للصبح ويسالوا عن كل حاجة عن التفاصيل لكن يحضروا مش ممكن هما دول الزملاء السلبيين شاطرين فى كدة وبس وينزلوا فينا نقد على الفاضى والمليان ....!
واليوم التالى لا تجد على الصفحات إلا نفس الأشخاص الدائمين على الدخول والباقى طبعا طناش طالما عرف النتيجة ...............!!!
ولتكملة المشوار .... إلى الملتقى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تابع حال مندوبى وزارة المالية ... الحلقة الثانية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.arab.mountada.net :: خواطر-
انتقل الى: