www.arab.mountada.net
أهلاً ومرحباًبكم معنا فى منتدى العلم والمعرفة وتبادل الآراء عزيزى الزائر يرجى التسجيل حتى يمكنك وضع مواضيع بالمنتدى وكذلك تحميل البرامج المحاسبية التى تحتاجها فى الوحدة الحسابية ونشكركم على التواصل معنا مع تحيات مدير عام المنتدى
محاسب / عبدالرءوف نصار ..... المديرية المالية بالشرقية

www.arab.mountada.net

منتدى ممثلى وزارة المالية بجمهورية مصر العربية .................... حماة المال العام
 
الرئيسيةالبوابةس .و .جبحـثالتسجيلدخول
  أهلاً ومرحباً بكم على صفحات منتدى مندوبى وزارة المالية  بمصر الحبيبة .. آراء .. تواصل .. يرجى التسجيل لإمكانية المساهمة وتنزيل الملفات .. بيان الوظيفة وجهة العمل حتى يمكن التواصل الجاد .....
  مجموعة من البرامج المحاسبية التى تسهل العمل بالوحدات الحسابية .. دقة .. سرعة ..
  قسم للحوار لطرح جميع المشاكل التى تواجه مندوب وزارة المالية والعمل على حلها ..
  منشورات .. كتب دورية .. فتاوى قانونية .. أحدث تعليمات وزارة المالية ..
   مقتطفات إسلامية متميزة ..
   منتدى الشعر .. خواطر مندوب مالية .. 
  لوائح وقوانين تهم مندوب وزارة المالية ..
  منوعات مالية .. قيود محاسبية .. قسم الكمبيوتر .. قسم الفيجوال بيسك ..
  يرجى من كافة الأخوة الأعضاء المساهمة بكافة الموضوعات لتكون الفائدة  للجميع مع تحياتى مدير عام المنتدى ............

شاطر | 
 

 حال مندوبى وزارة المالية ... الحلقة الرابعة

اذهب الى الأسفل 
كاتب الموضوعرسالة
عبدالرءوف نصار
Admin
avatar

عدد المساهمات : 217
تاريخ التسجيل : 17/05/2011
العمر : 59
الموقع : www.arab.mountada.net

مُساهمةموضوع: حال مندوبى وزارة المالية ... الحلقة الرابعة   الجمعة يونيو 17, 2011 10:18 pm

الوقفة الإحتجاجية الرابعة
------------------
ولكن بمرور الأيام لم يظهر لنا أى بارقة أمل من القرارات اللى قال عليها السيد الوزير . ولكن طلع علينا القرار 198 اللى بصراحة خلى كل الزملاء يجيلها الجنان من تانى . ياريتهم عملوا ال 50 % بس كان كفاية وكنا مستريحين ومفيش أى مشكلة , لكن اللوغاريتمات اللى فى القرار رجعتنا للصفر من تانى , دا أيه اللى بيحصل ده ... ؟
م2: يا حضرات إحنا هنسكت على كدة حتى ال 50 % عليها كل هذه الشروط . خلت رقبتنا تانى تحت رحمة الرؤساء ونرجع للمحسوبية والأهواء يادى النيلة ... وبصراحة اللى وضع الشروط دى مش عارف عاوز أيه منها هوا فيه حد هيروح الشغل الساعة تمانية ويروح الساعة أربعة هى شروط والسلام وتعقيد وخلاص الله يسامح اللى عرض على السيد الوزير .
م3: أنا عندى فكرة ايه رأيكم .
م1: قول يا سيدى والله الواحد ما عاد عارف حاجة للناس دى بيعملوا فينا كدة ليه .
م3: إحنا بصراحة منعملش الختامى السنة دى ونوقف شيكات الضرايب والمرتبات نشوف هما هيعملوا أيه بقة فى الحالة دى .
م1: ايه رأيكم يا حضرات فى الفكرة دى , يخرب بيت دى شغلانة.
إنقسم الزملاء بين مؤيد ومعارض والموضوع إتعقد من تانى.
م1: خلينى أقول لكم وجهة نظرى . موضوع وقف عمل الختامى السنة دى ووقف شيكات الضرايب والمرتبات مش هو ده الحل عارفين ليه أحسن كل الزملاء مش إيد واحدة . هو الكل هيعمل كدة أبدا والله . واحد هيعمل وواحد مش هيعمل وهتبقى حاجة تكسف . واللى هيمتنع عدد قليل ممكن هو اللى هيضر بس .
م2: وأيه يعنى ننضر ننضر .
م1: يا سيدى مش مشكلة والله لو هتجيب نتيجة ماشى , بس للأسف مش هتجيب نتيجة , يبقى نضر نفسنا وخلاص , لأ أنا مش مع الرأى ده . بلاش .. الأحسن إحنا نتجمع تانى ونرفض القرار 198 وكدة أحسن لينا.
م2: هنشوف أيه أخرت الحكاية المهببة دى .
م2: وبعد مداولات ومشاورات بين الزملاء تقرر أن يتم التوجه للوزارة للإعتراض على القرار ومقابلة السيد الوزير بعد علمنا إن فيه دفعات إستثنائية كمان لكل القطاعات ما عدا القطاع الغلبان بتاعنا هنلاقيها منين ولا منين بس يارب . ويومها كان يوم .
م2: طب يا جماعة الخير مش كنتم عرفتم السيد الوزير موجود ولا لأ قبل ما نحضر , أهو الوزير مش موجود , بيناقش الموازنة الجديدة ومستحيل يحضر يقابلنا اليوم .
م1: اللى حصل بقة هنروح ولا أيه ؟ لازم نعمل حاجة حد يروح لرئيس القطاع يجي يجتمع بينا ونبين له عيوب القرار 198 وأيه موضوع الدفعات ده كمان هى ناقصة .
وبعد شوية حضر رئيس قطاع الأمانة .
م2: لو سمحت ياريس فى الأول كدة موضوع الدفعات ده صح ولا إشاعة ؟
رئيس قطاع الأمانة : أيوة صحيح ولكن فى العرض لسة .
م2: يعنى لكل القطاعات ما عدا إحنا بس . هى دى العدالة . طب كنتم حطيتم القطاع المنيل ده معاكم هوا إحنا دايما منسيين . هوا إحنا ولاد البطة السودة . ولا السيد الوزير مش عايزنا ناخد معاكم . والله الراجل ده محترم وبصراحة اللى بيعرض عليه مش بيجيب له سيرة خالص عننا.
رئيس قطاع الأمانة : ماشى هنحطكم معانا ونعرض الموضوع كله على السيد الوزير .
م2: كتر خيرك يا ريس هنقول أيه بس ....!
م1: وبعد شوية حضر رئيس قطاعنا مع رئيس قطاع الأمانة العامة , وتم عرض جميع المطالب ووعدونا أن يتم الرد قبل يوم 13/6 بعد العرض على السيد الوزير يارب يكون بفايدة المرة دى لحسن الواحد هيجيله إنهيار قريب .
ومرت الأيام وقرب يوم 13/6 ومش شايفين أى نتيجة وكل يوم إشاعات , ووصل المديريات المالية إن فيه دفعة استثنائية , ناس تشكك وناس تأكد ومش عارفين النتيجة .
م3: احنا يدوب كتبنا على الصفحة إن السيد الوزير مسافر يوم 13/6 قامت الدنيا وماقعدتش
وفضلوا يتريقوا علينا , انتم فرحتم بالدفعة , وفضلوا يشككوا إن الدفعة دى إشاعة بس , لازم نروح الوزارة كلنا . إنتم تراجعتم ليه , علينا طبعا , وسمعنا كلام كتير , ولكن أيه فايدة ذهابنا للوزارة والسيد الوزير مسافر , ما فيش حد فى إيده أى قرار , بس تعب وخلاص , والله حاجة تحير فعلا , المهم سألنا السيد رئيس القطاع عن الدفعة الإستثنائية أكد لنا إنها لجميع القطاعات .
م2: والأغرب من كدة على الصفحات بقت هيصة ماهى فرصة .
واحد يقولك: مش هنمشى أى حاجة حتى المرتبات عشان يعرفوا إحنا مين .
واحد تانى: مش هنمشى الختامى بقة السنة دى .. ولازم كلنا نروح يوم 13/6 طب يا جماعة الخير السيد الوزير مسافر هنروح ليه هنعرض طلباتنا تانى ولا أيه والله حاجة تحير .
واحد تالت: قطاعات الوزارة صرفت كذا ولا عزاء لقطاع الحسابات والمديريات المالية .
واحد رابع وخامس .... الخ . المهم الواحد مش عارف دول زمايلنا أصلا ولا لأ ولا حتى هما منين وبيشتغلوا فين و قصدهم أيه والله بقت هيصة وحاجة تحير فعلا .
م1: ولا عمرنا شفناهم فى أى زيارة للوزارة والعملية هاصت وكلهم بقوا ثوار وإحنا بس الغلابة اللى بيضحكوا عليهم , والله حاجة تحير صحيح ....!
م2: والله الواحد ما عاد عارف أى حاجة والناس عاوزة كل شيئ يتحقق فى لحظة من غير تعب
ولا سعى نايمين وعاوزين كل حاجة . المهم فيه مجموعة راحت الوزارة يوم 13/6 وكل الثوار اللى على الصفحات مفيش حد إتحرك له ساكن ولا واحد من الثوار راح الوزارة .
م1: خلى بالك اللى بيحضر كل مرة هما هما سيبك يا عم من اللى بيشعللوا المواضيع ولا بيجوا ولا بيسكتوا بيعملوا كدة ليه . ما تعرفش لهم سكة ولا نية ربنا يهدينا يارب , المهم أهو إحنا إتفقنا مع رئيس القطاع على ترتيب لقاء مع السيد الوزير بعد عودته بالسلامة ...!
م2: والله كلامك صح النهاردة بقينا 13/6 وداخلين على الختامى أهو إحنا منتظرين رئيس القطاع يحدد لنا ميعاد مع السيد الوزير لما يعود من السفر بالسلامة , هنشوف أيه أخرت البهدلة بتاعتنا دى .... ونشوف مصير الدفعة الإستثنائية كمان اللى بيشككوا فيها .
م1: ربنا يصلح الحال بقة قريب ونشوف شغلنا ونركز بقة .....!!!
ولتكملة المشوار ..... إلى الملتقى ....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حال مندوبى وزارة المالية ... الحلقة الرابعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.arab.mountada.net :: خواطر-
انتقل الى: